Огражден

Огражден – планина во Македонија и Пиринска Македонија (денес во Бугарија). Се наоѓа во југоисточниот дел на Р. Македонија, северно од планината Беласица, североисточно од Струмица и северозападно од Петрич. Највисок врв на Огражден е Огражденец, висок 1.744 метри, кој се наоѓа во Р. Македонија.

По оваа планина е наречен и заливот Огражден на островот Ливингстон во Јужните Шетландски Острови на Антарктикот.

На Огражден е предвидена изградба на авантуристички парк, детски игралишта и велосипедски парк, како дел од развојот на повеќе туристички места на планината по иницијатива на Центарот за развој на Југоисточниот Регион.

извор: Wikipedia