Што е #ајдеситенапланина?
#ајдеситенапланина претстваува Geocaching акција организирана од страна на turnimedakinisam.mk која има за цел да ги „турне“ и мотивира сите деца и родители да ги запознаат природните убавини на Македонија преку планинарење и outdoor спортски активности.
Што е Geocaching?
Geocaching е рекреативна активност на отворено, во која учесниците користат уред со глобален систем за позиционирање (GPS) или мобилен уред и други навигациски техники за да се кријат и бараат скриени подароци и предмети, наречени геокeшови или кешови, на одредени локации означени со координати низ целиот свет (Извор: Википедиа)
Правила на игра
Пред почетокот на викендот, ја објавуваме точната локација на скриениот подарок и целосен опис на планинарската патека и планината заедно со спецификите на истата. Останува на вас да одберете кој ден од викендот (сабота или недела) ќе учествуавте на акцијата. Локациите внимателно ги селектираме со цел да овозможиме учество на деца од сите возрасти: патеките се лесно достапни за сите дечиња, родители па и баби и дедовци. Сите локации имаат свои специфични географски и други обележја кои детално ќе ги опишеме. Од среќниот пронаоѓач е пожелно да добиеме фотка која може да ни ја проследите на Instagram или на info@turnimedakinisam.mk.
Старт и времетраење
Акцијата ја започнуваме во петок 22.09.2023. Оваа акција е предвидено да трае 5 викенди последователно, доколку временските прилики го дозволуваат истото.
Подароци
За оваа прва сезона обезбедивме прекрасни подароци кои ќе ви бидат верни придружници за секоја наредна планинарска тура и кои во голема мерка ќе ја олеснат вашата ориентација на планина.
Пронаоѓање или геолокација
Доколку веќе користите апликација за outdoor навигација на вашиот мобилен, единствено што треба да направите е да ја превземете GPX датотеката и авантурата може да започне.
Доколку немате искуство со ова, прочитајте како да ја инсталирате бесплатната верзија на OsmAND и како да започнете со навигација на следниот линк:
https://turnimedakinisam.mk/wp-content/uploads/2021/11/OsmAnd.pdf
Откако ќе бидете во близина на локацијата каде што е скриен подарокот побарајте ознака со бел круг означена со спреј. Ознаката може да биде на видлива камена површина или на дрво – тука е подарокот.
Учество и спонзори
Отворено ги каниме сите чинители во планинарската заедница за активно учество во оваа акција. Да се погрижиме нашите деца да живеат здраво и активно и да ја чуваат природата и планинаната. Сите планинари, поединци и друштва може да учествуваат во поставување и геолоцирање на подароците, додека пак сите приватни компании во обезбедување на соодветни подароци. Инфо на info@turnimedakinisam.mk.
1. СКОПСКА ЦРНА ГОРА (23-24.09.2023)
