Пешти – клисура на реката Бабуна на јужниот излез од Велес, на 5 километри оддалеченост од устието на реката Бабуна во Вардар. Долга е 430 м. Името го добила по големиот број на пештери во кои се откриени фосилни остатоци од цицачи стари од 70.000 до 10.000 години пред нашата ера. Пронајдените артефакти од камен упатуваат на доцен палеолит. На високите карпи сè уште живее белоглавиот орел кој речиси е исчезнат од овие простори. Клисурата Пешти е прогласена за карактеристичен природен пејзаж со големи потенцијали за развој на рекреативниот туризам.
Макаровец (или Ораовец) — населба во пештера од палеолитското и бронзеното време во атарот на селото Ораовец, Македонија. На 2 километри северозападно од селото, во месноста Пешти, високо над десниот брег на реката Бабуна се наоѓа пештерата Макаровец во која се вршени истражувања на плеистоценската фауна од страна на Природонаучниот музеј на Македонија. При ископувањето за таа цел се откриени и фрагменти од керамички садови од бронзеното време, камени и кремени артефакти од помладиот палеолит.
Црн Камен е оддалечено околу пет километри од градот Велес и е само неколку метри оддалечено до манастирот Свети Димитрија, во близина на влевањето на реката Тополка во Вардар. Постои верување дека болни луѓе или жени кои не можат да останат бремени, треба да го посетат ова свето место после Велигден, и тоа првиот петок попознат како Балаклија или источен петок, па сè до празникот Спасовден. Старата легенда за моќта на Црн камен потекнува од трагична приказна. Многу одамна на тоа место имало стар манастир кој бил уништен од турскиот аскер, а монасите кои живееле во него биле убиени и обезглавени. Нивните тела биле оставени низ карпите, а крвта се пролевала. Од крвта каменот добил црна боја, па оттаму ова место, кое има лековита и чудотворна моќ се вика Црн Камен.
Извор: Wikipedia
Тура
(во подготовка)
Планинарски патеки во близина:
Велосипедски патеки во близина:
Клисура Пешти – с. Превалец (6,5 км)
- наведените опции се вклучени во GPS линкот
